سکیورٹی فورسز نے خیبر پختونخوا کے مہمند، بنوں اور شمالی وزیرستان میں انٹیلی جنس بیسڈ آپریشنز کے دوران 19 بھارتی حمایت یافتہ دہشت گردوں کو ہلاک کر دیا۔
کارروائی کی تفصیلات:
مہمند: گولونو کے علاقہ میں کارروائی میں 14 دہشت گرد ہلاک ہوئے۔
شمالی وزیرستان: دتہ خیل میں آپریشن کے دوران 4 خوارج مارے گئے۔
بنوں: ایک دہشت گرد مقابلے میں ہلاک ہوا۔
دہشت گردوں کے ٹھکانوں سے اسلحہ اور بارود بھی برآمد کیا گیا۔پاک فوج کے شعبہ تعلقات عامہ (آئی ایس پی آر) کے مطابق، دہشت گرد علاقے میں متعدد دہشت گردانہ وارداتوں میں ملوث تھے اور بچ جانے والے دہشت گردوں کی تلاش کے لیے آپریشنز جاری ہیں۔
حکومتی ردعمل:
وزیراعظم شہباز شریف نے سکیورٹی فورسز کی کامیاب کارروائیوں پر تعریف کرتے ہوئے کہا کہ دہشت گردی کے مکمل خاتمے تک جنگ جاری رہے گی اور فوج کے ساتھ قوم شانہ بشانہ کھڑی ہے۔وفاقی وزیر داخلہ محسن نقوی نے بھی سکیورٹی فورسز کو بھارتی پراکسی دہشت گردوں کے عزائم خاک میں ملانے پر خراج تحسین پیش کیا۔
آئی ایس پی آر نے مزید کہا کہ پاکستان کی سکیورٹی فورسز دہشت گردی کے مکمل خاتمے کے لیے پرعزم ہیں اور بھارتی سرپرستی میں کام کرنے والے دہشت گردوں کا صفایا جاری رہے گا۔
