لاہور میں اورنج لائن میٹرو ٹرین، میٹرو بس اور اسپیڈو بس سروس تیسرے روز بھی بند رہنے کے باعث شہریوں کو شدید مشکلات کا سامنا ہے۔
ذرائع کے مطابق پشاور اور جڑواں شہروں (اسلام آباد اور راولپنڈی) میں بھی معمولاتِ زندگی بری طرح متاثر ہیں۔ متعدد اہم شاہراہیں مکمل طور پر بند ہیں جن میں فیض آباد انٹرچینج، ایکسپریس وے، آئی جی پی روڈ اور دیگر داخلی راستے شامل ہیں، جس سے تجارتی سرگرمیاں معطل ہو گئی ہیں۔لاہور کے تعلیمی ادارے بھی متاثر ہوئے ہیں — سرکاری و نجی اسکولوں میں فوری چھٹیوں کا اعلان کیا گیا ہے جبکہ پنجاب یونیورسٹی کے ایل ایل بی امتحانات بھی ملتوی کر دیے گئے ہیں۔عوام کو سروس بندش کے باعث مختلف علاقوں تک پہنچنے میں دشواری ہو رہی ہے، اور شہری متبادل ٹرانسپورٹ کے انتظامات تلاش کرنے پر مجبور ہیں۔
