بالی ووڈ کے لیجنڈ اداکار پریم چوپڑا کو طبیعت خراب ہونے کے بعد ممبئی کے لیلا وتی ہسپتال منتقل کیا گیا ہے۔
بھارتی میڈیا کے مطابق، 92 سالہ اداکار کو دل سے متعلق وائرل انفیکشن کی وجہ سے ہسپتال لایا گیا ہے۔ ڈاکٹر پارکر کا کہنا ہے کہ پریم چوپڑا کو دو دن قبل ان کے خاندانی ماہر امراض قلب ڈاکٹر نتن گوکھلے کی نگرانی میں داخل کیا گیا تھا۔ انہیں دل کے مسائل اور پھیپھڑوں میں انفیکشن کا سامنا ہے۔ ڈاکٹر نے بتایا کہ تجربہ کار اداکار کی حالت مستحکم ہے اور صحت یابی کی جانب گامزن ہے، تاہم ان کی عمر کی وجہ سے صحت یابی میں کچھ وقت لگ سکتا ہے۔ ان کا مزید کہنا تھا کہ انہیں 2-3 دن میں ہسپتال سے ڈسچارج کیا جا سکتا ہے۔
اس خبر کے سامنے آنے کے وقت، بالی ووڈ کے دوسرے بزرگ اداکار دھرمیندر کو بھی ممبئی کے بریچ کینڈی اسپتال میں داخل کیا گیا تھا، جہاں انہیں سانس لینے میں دشواری کے سبب وینٹی لیٹر پر رکھا گیا تھا۔ ان کے خاندان نے ان کی حالت کے بارے میں تسلی بخش اطلاع دی ہے، اور سنی دیول کی ٹیم نے بھی بتایا ہے کہ دھرمیندر مستحکم اور ڈاکٹرز کی نگرانی میں ہیں۔ مداحوں سے دعا کی درخواست کی گئی ہے کہ وہ جلد صحت یابی کے لیے دعا کریں اور خاندان کی پرائیویسی کا احترام کریں۔
