معرکۂ حق کی ایک سالگرہ پر آئی ایس پی آر کا نیا ملی نغمہ ’’تو یاد رکھیں‘‘ جاری ہوا

معرکۂ حق کی ایک سالگرہ کے موقع پر، آئی ایس پی آر نے ایک نئے ملی نغمہ ’’تو یاد رکھیں‘‘ جاری کیا ہے۔

یہ نغمہ پاکستان کی مسلح افواج اور قوم کے عزم و حوصلے کی نمائندگی کرتا ہے اور اس کی کامیابی کو خراجِ تحسین پیش کرتا ہے۔ نغمہ میں پاکستان کی ہمت، طاقت اور دشمن کے خلاف مضبوط پیغام شامل ہے، جو قوم میں ولولہ اور فخر کا جذبہ پیدا کرتا ہے۔اس نغمہ کا مقصد پاکستان کے دفاع، اتحاد اور عزم کو اجاگر کرنا ہے، جس نے دشمن کو واضح پیغام دیا کہ پاکستان اپنی سرزمین کے دفاع کے لیے کسی بھی حد تک جائے گا۔ ’’تو یاد رکھیں‘‘ نغمہ مئی 2025 میں ہونے والی تاریخی کامیابی کی یاد دلاتا ہے، جب پاکستان نے اپنی مسلح افواج اور عوام کے اتحاد سے دشمن کو شکست دی۔
اس موقع پر جاری ہونے والے اس ملی نغمہ میں دشمن کے خلاف پاکستان کے عزم، ہمت اور طاقت کا پیغام دیا گیا ہے۔ یہ نغمہ پاکستان کے غیور عوام اور مسلح افواج کے عزم کی علامت ہے، جسے تاریخ ہمیشہ یاد رکھے گی۔ اس نغمے کے ذریعے قوم کو ایک بڑے مقصد کے لیے متحد اور مستحکم رہنے کا پیغام دیا گیا ہے۔