امریکی ریئلٹی اسٹار، ماڈل اور کاروباری شخصیت کِم کارڈیشین نے مدرز ڈے کے موقع پر ایک منفرد اور جذباتی اقدام انجام دیا۔
انہوں نے کیلیفورنیا کی جیل میں قید خواتین کے لیے خصوصی تقریب کا اہتمام کیا، جہاں انہوں نے تقریباً 50 خواتین قیدیوں کو اپنے بچوں کے ساتھ مدرز ڈے منانے کا موقع فراہم کیا۔ کِم کارڈیشین کا کہنا تھا کہ بہت سی خواتین برسوں سے اپنے بچوں اور خاندان سے دور زندگی گزارنے پر مجبور ہیں، اور یہ جدائی ایک ایسا درد ہے جسے اکثر معاشرہ نظر انداز کر دیتا ہے۔ انہوں نے اس موقع پر کہا کہ ان خواتین کے لیے اپنے بچوں سے ملنا، انہیں گلے لگانا اور دوبارہ خاندان کے ساتھ مسکرانا بہت اہم اور خوشی کا لمحہ ہے۔
انہوں نے فلاحی تنظیموں اور منتظمین کا شکریہ ادا کرتے ہوئے کہا کہ ایسے اقدامات قید میں موجود خواتین کے لیے امید، محبت اور نئے آغاز کا سبب بنتے ہیں۔ کِم کارڈیشین کا یہ اقدام محبت اور ہمدردی کی ایک مثال ہے، اور انہوں نے کہا کہ یہ دن ان خواتین کے لیے ہمیشہ یادگار رہے گا۔
