نیپال کے دارالحکومت کھٹمنڈو میں ترک ایئرلائنز کے ایک ایئربس A330 طیارے کے لینڈنگ کے بعد اس کے پچھلے دائیں ٹائر میں معمولی آگ لگ گئی۔
حکام کے مطابق، سول ایوی ایشن اتھارٹی آف نیپال نے بتایا کہ استنبول سے آنے والی اس پرواز میں سوار تمام 277 مسافر اور 11 عملے کے افراد کو ہنگامی راستوں کے ذریعے بحفاظت نکال لیا گیا ہے، اور کوئی جانی نقصان نہیں ہوا۔ترجمان کے مطابق، آگ طیارے کے پچھلے دائیں ٹائر میں لگی، جسے فوری طور پر بجھا دیا گیا۔ بعد میں، طیارے کو ٹیکسی وے پر منتقل کر کے گراؤنڈ کر دیا گیا، اور ایئرپورٹ تقریباً ایک گھنٹے کے لیے بند رہا۔
