مکہ (ویب ڈیسک) : سعودی عرب میں حج سکیورٹی فورسز نے حج کے ضوابط کی خلاف ورزی پر دو غیر ملکی شہریوں کو گرفتار کر لیا ہے۔
گرفتار ہونے والوں میں ایک بھارتی اور دوسرا مصری شہری شامل ہے، دونوں پر حج قوانین کی سنگین خلاف ورزیوں کا الزام ہے۔
بھارتی شہری کی گرفتاری
حج سیکیورٹی فورسز کے مطابق:بھارتی شہری نے بغیر حج پرمٹ کے ایمبولینس کے ذریعے 4 رہائشیوں کو مکہ مکرمہ پہنچانے کی کوشش کی۔وہ جعلی طریقے سے ایمبولینس کا استعمال کرتے ہوئے سیکیورٹی چیک پوسٹس کو دھوکہ دینا چاہتا تھا۔اسے گرفتار کر کے تحقیقات کا آغاز کر دیا گیا ہے۔
مصری شہری کی گرفتاری
ایک مصری شہری کو سوشل میڈیا پر جعلی حج پرمٹ کا اشتہار شائع کرنے پر گرفتار کیا گیا۔سیکیورٹی حکام کے مطابق اس اقدام کا مقصد غیر قانونی طور پر افراد کو حج کا موقع دلوانا تھا۔
حج سیکیورٹی فورسز کا انتباہ
حکام نے واضح کیا ہے کہ:"بغیر اجازت حج کی کوئی کوشش برداشت نہیں کی جائے گی،""خلاف ورزی کرنے والوں کو بھاری جرمانے، قید یا ڈیپورٹیشن کا سامنا کرنا پڑ سکتا ہے۔"سعودی حکام نے عوام سے اپیل کی ہے کہ وہ:حج کے باضابطہ پرمٹ کے بغیر سفر نہ کریں.جعلی ایجنٹوں سے ہوشیار رہیں.کسی بھی مشکوک سرگرمی کی فوری اطلاع سیکیورٹی اداروں کو دیں
