ومبلڈن کے دفاعی چیمپیئن یانک سنر نے شاندار کھیل کا مظاہرہ کرتے ہوئے سربیا کے تجربہ کار ٹینس اسٹار نوواک جوکووچ کو سیمی فائنل میں شکست دے کر فائنل کے لیے کوالیفائی کر لیا۔
اطالوی اسٹار یانک سنر نے نوواک جوکووچ کو مسلسل تین سیٹس میں 4-6، 4-6 اور 4-6 سے شکست دی۔ اس کامیابی کے ساتھ ہی جوکووچ کا ریکارڈ 25واں گرینڈ سلیم ٹائٹل جیتنے کا خواب بھی ادھورا رہ گیا۔39 سالہ نوواک جوکووچ میچ کے دوران یانک سنر کے جارحانہ کھیل کا مؤثر جواب نہ دے سکے۔ سنر نے 16 ایسز کی مدد سے اپنی سروس پر مکمل برتری برقرار رکھی اور پہلی سروس پر صرف چھ پوائنٹس گنوائے۔دوسرے سیمی فائنل میں جرمنی کے دوسرے سیڈ الیگزینڈر زویریف نے برطانیہ کے وائلڈ کارڈ آرتھر فیری کی شاندار مہم کا اختتام کرتے ہوئے 7-6(6)، 6-2 اور 6-4 سے کامیابی حاصل کی۔
اس فتح کے ساتھ زویریف 1995 میں بورس بیکر کے بعد ومبلڈن مینز سنگلز کے فائنل میں پہنچنے والے پہلے جرمن کھلاڑی بن گئے ہیں۔اب اتوار کو کھیلے جانے والے فائنل میں یانک سنر اپنے کیریئر کے پانچویں گرینڈ سلیم ٹائٹل کے حصول کے لیے میدان میں اتریں گے، جبکہ الیگزینڈر زویریف ومبلڈن کا پہلا گرینڈ سلیم ٹائٹل اپنے نام کرنے کی کوشش کریں گے
