کراچی کے پوش علاقے ڈیفنس میں افسوسناک واقعہ سامنے آیا ہے جہاں معروف اداکارہ حمیرا اصغر علی کی لاش ان کے فلیٹ سے نہایت خراب حالت میں برآمد ہوئی ہے۔
ذرائع کے مطابق لاش ممکنہ طور پر 1 سے 6 ماہ پرانی ہو سکتی ہے، جس سے واقعے کی سنگینی میں مزید اضافہ ہو گیا ہے۔
اہم تفصیلات:
حمیرا اصغر کی آخری بار رابطہ اکتوبر میں فوٹوگرافر دانش مقصود سے ہوا تھا، جنہوں نے ان کے ساتھ فوٹو شوٹ کیا تھا۔فوٹوگرافر نے بعد ازاں ان سے سوشل میڈیا پر "کولیبیریٹ" کے لیے کئی بار رابطہ کیا، مگر کوئی جواب نہیں ملا۔انسٹاگرام پر بھی حمیرا گزشتہ 9 ماہ سے غیر فعال تھیں، جس نے ان کی گمشدگی پر سوالات کو جنم دیا۔
سوشل میڈیا پر ردعمل:
حمیرا کی آخری انسٹاگرام پوسٹ اب وائرل ہو رہی ہے جس میں انہوں نے اپنی تصاویر شیئر کی تھیں۔مدرز ڈے پر والدہ کے ساتھ شیئر کی گئی تصاویر اور والد کی تصویر بھی سوشل میڈیا پر گردش کر رہی ہیں۔
خاندانی رویہ:
سب سے افسوسناک پہلو یہ ہے کہ حمیرا کے والد نے لاش وصول کرنے سے انکار کر دیا۔والد کا کہنا تھا: "ہم نے ڈیڑھ دو سال قبل حمیرا سے تعلقات ختم کر دیے تھے۔"
فلیٹ سے برآمدگی:
اداکارہ گزشتہ 7 سال سے اسی فلیٹ میں مقیم تھیں۔لاش کی حالت اور بدبو کے باعث ہمسایوں نے شک کا اظہار کیا جس پر اطلاع پر پولیس نے فلیٹ کا دروازہ توڑ کر لاش برآمد کی۔
پولیس تحقیقات:
پولیس نے فلیٹ کو سیل کر کے لاش کو پوسٹ مارٹم کے لیے بھجوا دیا ہے۔پوسٹ مارٹم رپورٹ کے بعد ہی موت کی اصل وجہ اور وقت کی تصدیق ہو سکے گی۔
