جنوبی کوریا کے وزارتِ ٹرانسپورٹ کی جانب سے ایک اہم انکشاف سامنے آیا ہے جس کے مطابق جیجو ایئر کا تباہ شدہ طیارہ حادثے سے قبل ہی بلیک باکسز کی ریکارڈنگ بند ہو گئی تھی۔
حادثہ 29 دسمبر 2024 کو جنوبی کوریا کے شہر موان کے قریب پیش آیا، جب تھائی لینڈ سے آنے والے بوئنگ 737-800 طیارے نے جیجو ایئر کے زیر انتظام پرواز کی۔ اس حادثے میں 179 افراد ہلاک ہوئے۔وزارتِ ٹرانسپورٹ نے بتایا کہ طیارے کے بلیک باکسز کی ریکارڈنگ حادثے سے تقریباً 4 منٹ قبل بند ہو گئی تھی، جس کے باعث حادثے کی اصل وجوہات کا پتہ لگانا مشکل ہو رہا ہے۔ تفتیشی افسران نے مختلف عوامل پر غور کیا ہے جن میں پرندے سے ٹکراؤ، خراب لینڈنگ گیئر اور رن وے بیریئر جیسے عوامل شامل ہیں۔
اس صورتحال میں جیجو ایئر کے چیف ایگزیکٹیو کو ملک چھوڑنے سے روک دیا گیا ہے۔ جنوبی کوریا کے وزیرِ ٹرانسپورٹ نے اس سانحے کی ذمے داری قبول کرتے ہوئے اپنے عہدے سے استعفیٰ دے دیا۔ یہ واقعہ جنوبی کوریا کی فضائی حفاظت کے حوالے سے سنگین سوالات اٹھاتا ہے، اور اس کی تحقیقات کا عمل جاری ہے تاکہ مستقبل میں ایسے حادثات کو روکا جا سکے۔
