ترجمان سندھ حکومت سعدیہ جاوید نے ملیر ایکسپریس وے کے پہلے فیز کے افتتاح کے حوالے سے میڈیا سے بات کرتے ہوئے کہا کہ سندھ حکومت کا یہ منصوبہ پبلک پرائیویٹ پارٹنرشپ کے تحت مکمل کیا جا رہا ہے اور اس منصوبے کا پورا افتتاح دسمبر تک کیا جائے گا۔
انہوں نے مزید کہا کہ پورے پاکستان میں موٹر ویز بنائے جا رہے ہیں، لیکن ملیر ایکسپریس وے ایک اہم منصوبہ ہے جو کراچی کی ترقی میں اہم کردار ادا کرے گا۔ یہ منصوبہ شہریوں کی سفر کی سہولت کو بہتر بنانے کے لیے تیار کیا گیا ہے۔سعدیہ جاوید نے کراچی حیدرآباد موٹروے کا ذکر کرتے ہوئے کہا کہ اس موٹروے کو موٹروے کے نام پر دھبہ قرار دیا جا سکتا ہے، کیونکہ اس کا معیار اس قدر اچھا نہیں ہے کہ اسے موٹروے سمجھا جا سکے۔ انہوں نے مزید کہا کہ سندھ حکومت اپنے منصوبوں میں اعلی معیار کو یقینی بنا رہی ہے اور یہ ملیر ایکسپریس وے کا منصوبہ اس کا منہ بولتا ثبوت ہے۔اس منصوبے کی تکمیل سے کراچی اور اس کے اطراف کے علاقے مزید ترقی کریں گے اور شہریوں کو بہتر ٹرانسپورٹ کی سہولت ملے گی۔
