دہلی میں سکولوں کو بم کی اطلاع دینے والا ملزم طالبعلم امتحانا ت سے بچناچاہ رہاتھا

نئی دہلی (آئی این پی)بھارت کے دارالحکومت دہلی میں سکولوں کو بم کی اطلاع دینے والے ملزم کی شناخت ہو گئی اور اس کی وجہ بھی سامنے آ گئی۔بھارتی میڈیا کے مطابق دہلی کے سیکڑوں سکولوں میں بم کی جھوٹی اطلاع سے پھیلنے والے خوف و ہراس کے اب کئی ہفتوں بعد پولیس نے اس کیس کو کافی حد تک حل کر لیا ہے۔پولیس نے ایک نوجوان طالب علم کے حوالے سے انکشاف کیا ہے کہ اس نے اپنے سکول میں امتحانات سے بچنے کے لیے بم کی جھوٹی افواہیں و اطلاعات دینے کا منصوبہ بنایا تھا۔کئی ہفتوں سے الرٹ رہنے کے بعد اس کیس میں ملوث پولیس نے 12 ویں جماعت کے طالب علم کو حراست میں لے لیا ہے۔