47فیصد امریکیوں نے غزہ پرقبضے کی مخالفت کردی

 سروے میں  13 فیصد نے ٹرمپ کے بیان کی حمایت کی ‘ 40 فیصد  نے واضح رائے نہیں دی
 واشنگٹن (آئی این پی) امریکی صدر ڈونلڈ ٹرمپ کے غزہ پر قبضے کے بیان کو امریکی شہریوں کی اکثریت نے مسترد کر دیا۔امریکی میڈیا کے سروے  کے مطابق 47 فیصد امریکیوں نے ٹرمپ کے غزہ پر قبضے کے منصوبے کو برا قرار دے دیا۔ سروے رپورٹ  میں  13 فیصد نے ٹرمپ کے بیان کی حمایت کی اور 40 فیصد امریکیوں نے اس حوالے سے واضح رائے نہیں دی۔پول کے مطابق صدر ٹرمپ کے حماس اسرائیل تنازع سے نمٹنے کے طریقہ کار کی 54 فیصد امریکیوں نے حمایت اور 46 فیصد نے مخالفت کی ہے