47فیصد پاکستانیوں نے کبھی بھی ٹرین کا سفر نہیں کیا،گیلپ سروے

18 فیصد نے رکشوں اور 17 فیصد نے بسوں، ویگنوں میں سفر نہ کرنے کا کہا
 رکشا، بس اور ویگن میں سفر سے پاکستانیوں کی اکثریت مانوس ہے: انکشاف
 اسلام آباد (یو این پی)گیلپ پاکستان کے ایک حالیہ سروے میں انکشاف ہوا ہے کہ 47 فیصد پاکستانیوں نے کبھی ٹرین کا سفر نہیں کیا۔سروے کے مطابق رکشا، بس اور ویگن میں سفر سے پاکستانیوں کی اکثریت مانوس ہے، 80 فیصد نے رکشوں، 79 فیصد نے بسوں اور ویگن میں سفر کرنے کا بتایاہے  18 فیصد نے رکشوں اور 17 فیصد نے بسوں، ویگنوں میں بالکل سفر نہ کرنے کا کہا۔اس سوال پر کہ ٹرین میں سفر کرنے کا اتفاق ہوا 47 فیصد پاکستانیوں نے اثبات میں جواب دیا، لیکن 47 فیصد نے کہا کہ انہوں نے کبھی ٹرین کا سفر نہیں کیا۔بالائی علاقوں میں استعمال ہونے والی کیبل کار یا ڈولی لفٹ استعمال کرنے کا 14 فیصد پاکستانیوں نے کہا جبکہ 73 فیصد پاکستانیوں نے انکار کیا اور کہا کہ اب تک ڈولی لفٹ استعمال کرنے کا اتفاق نہیں۔