چین میں شانجیاباؤ کے قبرستان سے 2,300 سال پرانی شراب سے بھرے ایک محفوظ شدہ جار کی دریافت ہوئی ہے، جو تاریخی لحاظ سے بہت اہم ہے۔
یہ شراب ’کِن گریٹ وال‘ (Qin Great Wall) سے تقریباً 2 کلومیٹر دور، شانجیاباؤ کے قبرستان میں ملی ہے۔ کِن گریٹ وال دراصل موجودہ چین کی عظیم دیوار کا بنیادی حصہ ہے، جس کا ذکر سابق چینی رہنما ماؤ زے تنگ نے 1935 میں ریڈ آرمی کے لانگ مارچ کے دوران گیوان، گانسو میں لیوپن پہاڑوں کے راستے گزرتے ہوئے اپنی نظم میں کیا تھا۔اس دریافت شدہ شراب کا تعلق 2,300 سال پرانی تاریخ سے ہے، اور یہ چین میں تعمیر ہونے والی قدیم ترین عظیم دیواروں میں سے ایک کے قریب ملی ہے۔جرنل آف آرکیالوجیکل سائنس کے شمارے میں شائع ہونے والی تحقیق کے مطابق، یہ جار مکمل طور پر مہربند ہے اور اب تک چمکدار اور صحت مند حالت میں پایا گیا ہے، جو اس دور کے لوگو کے استعمال اور پینے کے طریقوں کو سمجھنے میں مدد دیتا ہے۔نارتھ ویسٹ یونیورسٹی کے پی ایچ ڈی امیدوار اور مطالعہ کے پہلے مصنف، چن رورو نے بتایا کہ یہ تحقیق قدیم لوگوں کے اناج کے استعمال اور پینے کی تکنیکوں کی واضح تفہیم فراہم کرتی ہے، جو قدیم چینی تہذیب کے بارے میں اہم معلومات فراہم کرتی ہے۔
