اسلام آباد: الیکشن کمیشن آف پاکستان نے رانا ثناء اللہ کی بطور سینیٹر کامیابی کا نوٹیفکیشن جاری کر دیا ہے۔
الیکشن کمیشن کے مطابق رانا ثناء اللہ، جو وزیراعظم شہباز شریف کے مشیر برائے سیاسی امور بھی ہیں، پنجاب سے جنرل سیٹ پر سینیٹر منتخب ہوئے۔ تاہم نوٹیفکیشن لاہور ہائیکورٹ میں زیر التوا مقدمے کے فیصلے سے مشروط ہے۔پنجاب اسمبلی میں پی ٹی آئی سینیٹر اعجاز چوہدری کی نااہلی کے بعد خالی ہونے والی نشست پر ضمنی الیکشن گزشتہ روز منعقد ہوا۔ پی ٹی آئی نے ضمنی الیکشن کا بائیکاٹ کیا، تاہم نام واپس نہ لینے کی وجہ سے بیلٹ پیپر پر ن لیگ کے رانا ثناء اللہ اور پی ٹی آئی کی سلمیٰ اعجاز کے نام موجود تھے۔رانا ثناء اللہ کی کامیابی کے بعد نوٹیفکیشن جاری ہونا قانونی طور پر ان کے سینیٹر بننے کے عمل کو حتمی شکل دیتا ہے، جبکہ عدالت کا فیصلہ آئندہ اس عمل پر اثر انداز ہو سکتا ہے۔
