اسلام آباد میں اپوزیشن اتحاد کی مشترکہ پارلیمانی کمیٹی کا اہم اجلاس کچھ دیر میں شروع ہوگا، جس کی صدارت محمود خان اچکزئی کریں گے۔
اس اجلاس میں بیرسٹر گوہر، علامہ راجہ ناصر عباس، بیرسٹر علی ظفر اور دیگر اہم اراکین شرکت کریں گے۔اس اجلاس کا مقصد 27 ویں آئینی ترامیم پر پی ٹی آئی سینیٹ اور قومی اسمبلی کی مشترکہ پارلیمانی کمیٹی کے ساتھ مشاورت کرنا ہے، اور آئندہ کے لائحہ عمل کا تعین بھی کیا جائے گا۔ ذرائع کے مطابق، اجلاس میں پارلیمنٹ کے اندر اور باہر حکمت عملی تیار کی جائے گی تاکہ آئینی ترامیم کے حوالے سے اہم فیصلے کیے جا سکیں۔ یہ اجلاس سیاسی صورتحال پر تبادلہ خیال اور مشترکہ حکمت عملی طے کرنے کے لیے اہمیت کا حامل ہے۔
