مذہبی پیشوا پوپ لیو کا مشرق وسطی میں تشدد کے خاتمے کا مطالبہ

ویٹی کن سٹی (آئی این پی) کیتھولک مسیحوں کے مذہبی پیشوا پوپ لیو نے مشرق وسطی میں تشدد کے خاتمے کا مطالبہ کردیا۔ غیر ملکی میڈیا  کے مطابق پوپ لیو نے کہا کہ ایران سمیت پوری مشرق وسطی سے مسلسل انتہائی تشویشناک خبریں مل رہی ہیں۔انہوں نے مطالبہ کیا کہ مذاکرات دوبارہ شروع کیے جائیں، یہ تنازع خوف اور نفرت کو بڑھا رہا ہے، جس کے مزید پھیلنے کا خطرہ موجود ہے۔پوپ لیو نے مزید کہا کہ یہ تنازع لبنان سمیت دیگر ممالک کو بھی لپیٹ میں لے سکتا ہے، دعا ہے کہ بموں کی گرج بند ہوجائے، ہتھیار خاموش ہوجائیں، بات چیت کی راہ ہموار ہو۔