اسلام آباد ہائیکورٹ میں پاکستان تحریک انصاف (پی ٹی آئی) کی رہنما خدیجہ شاہ کی درخواست پر سماعت ہوئی، جس میں انہوں نے اپنے خلاف درج مقدمات کی تفصیلات حاصل کرنے کی درخواست کی۔
درخواست گزار کی جانب سے وکیل آمنہ علی عدالت میں پیش ہوئیں اور استدعا کی کہ ان کے موکلہ خدیجہ شاہ کے خلاف درج مقدمات کی تفصیلات فراہم کی جائیں اور اس دوران انہیں اور ان کے خاندان کو ہراساں کرنے سے روکا جائے۔چیف جسٹس عامر فاروق نے درخواست پر فوری کارروائی کرتے ہوئے پولیس اور وفاقی تحقیقاتی ایجنسی (ایف آئی اے) کو ہدایت کی کہ وہ خدیجہ شاہ کو ہراساں نہ کریں اور ان کے خلاف درج مقدمات کی تفصیلات فراہم کریں۔ عدالت نے دونوں اداروں کو نوٹس جاری کرتے ہوئے جواب طلب کر لیا۔اس دوران عدالت نے کیس کی سماعت آئندہ ہفتے تک کے لیے ملتوی کر دی اور درخواست گزار کے وکیل کو ہدایت کی کہ وہ آئندہ کی کارروائی کے لیے متعلقہ تفصیلات پیش کریں۔
