پاکستان نے کمزور ہوکر بھی شرائط منوالی، یہ ہندوستان کی بےعزتی ہے:بھارتی میڈیا پر واویلا مچ گیا

پاکستان اور انٹرنیشنل کرکٹ کونسل (آئی سی سی) کے درمیان معاملات طے پا گئے ہیں، جس کے بعد پاکستان کی قومی کرکٹ ٹیم کو بھارت میں شیڈول میچ کھیلنے کی اجازت دے دی گئی ہے۔

 یہ میچ 15 فروری کو ہوگا۔بھارتی میڈیا میں اس فیصلے کو بڑے پیمانے پر رپورٹ کیا گیا اور خاص طور پر پاکستان کے کردار پر تنقیدی تبصرے سامنے آئے۔ بھارتی میڈیا کا مؤقف ہے کہ ورلڈ کرکٹ پاکستان کے بغیر نہیں چل سکتی اور پاکستان کے ساتھ تعلقات میں ہچکچاہٹ کے باوجود بھارت کو کسی نہ کسی طرح انہیں قبول کرنا پڑے گا۔مزید برآں، بھارتی میڈیا نے دعویٰ کیا کہ پاکستان نے سفارتی اور اسٹریٹیجک حکمت عملی کے تحت بنگلادیش کے ساتھ تعلقات کو مضبوط کیا، جبکہ کمزور ہونے کے باوجود وہ اپنے مطالبات منوانے میں کامیاب رہا۔ اس حوالے سے حارث روف کے کسی اشارے کا بھی ذکر کیا گیا، جو پاکستان کی حکمت عملی کی حمایت سمجھا گیا۔یہ صورتحال بھارتی کرکٹ شائقین اور میڈیا میں بحث و تنازع کی وجہ بنی، کیونکہ پاکستان کے بغیر میچ کے انعقاد کے امکانات محدود سمجھے جاتے تھے، اور اب بھارت کو پاکستان کے ساتھ کھیلنا پڑ رہا ہے، جسے کچھ میڈیا نے "بےعزتی" قرار دیا۔