سرکاری ریت چوری کیخلاف کارروائی، ٹریکٹر بھاری آلات ضبط

پاکپتن (خصوصی رپورٹ) اسسٹنٹ ڈائریکٹر معدنیات نے مقامی علاقے میں کارروائی کرتے ہوئے سرکاری ریت چوری کرنے کے خلاف ایک اہم چھاپہ مارا ہے۔کارروائی کے دوران سرکاری ریت کی چوری میں ملوث ہونے پر عقیل بودلہ سمیت 2 نامزد افراد کے خلاف فوری طور پر مقدمہ درج کر لیا گیا۔پاکپتن کے تھانہ کلیانہ پولیس نے موقع پر کارروائی کرتے ہوئے ٹریکٹر اور دیگر بھاری آلات کو اپنی تحویل میں لے کر قبضے میں لے لیا۔پولیس کے مطابق اس چھاپے کے دوران نامزد ملزم موقع سے فرار ہونے میں کامیاب ہو گئے ، جن کی تلاش اور گرفتاری کے لیے مختلف مقامات پر چھاپے مارے جا رہے ہیں۔