ویب ڈیسک:راولپنڈی میں امن و امان کی صورتحال کے پیش نظر ضلع میں 8 سے 10 نومبر تک دفعہ 144 نافذ کر دی گئی ہے۔
اس فیصلے کا مقصد شہر میں امن و سکون برقرار رکھنا اور کسی بھی ناخوشگوار واقعے سے بچنا ہے۔ ڈپٹی کمشنر راولپنڈی حسن وقار چیمہ کی زیر صدارت ڈسٹرکٹ انٹیلی جنس کمیٹی کا اجلاس ہوا، جس میں پولیس حکام اور دیگر انتظامی افسران نے شرکت کی۔اعلامیے کے مطابق، راولپنڈی میں اس عرصے کے دوران تمام عوامی جلسے، جلوس اور ریلیوں پر پابندی عائد کر دی گئی ہے۔ اس کے علاوہ، عوامی اجتماعات اور دیگر تقریبات بھی تین دن کے لیے ممنوع ہوں گی۔ اس اقدام کا مقصد شہر کی سکیورٹی کو مضبوط کرنا اور کسی بھی قسم کے انتشار سے بچنا ہے۔اس کے ساتھ ہی اضافی سکیورٹی انتظامات کیے گئے ہیں تاکہ امن و امان کی صورتحال کو مزید مستحکم رکھا جا سکے۔
