نمرہ شاہد پاکستان کی ٹی وی اور فلم انڈسٹری کی ابھرتی ہوئی اور باصلاحیت اداکارہ ہیں جنہوں نے 2016 میں اپنے فنی کیریئر کا آغاز کیا۔
قلیل عرصے میں وہ ناظرین کے دل جیتنے میں کامیاب ہو گئیں اور کئی مقبول ڈراموں میں اپنی اداکاری سے پہچانی گئیں، جن میں شامل ہیں:
شاہ رُخ کی سالیاں
شدت
بھولی بانو
ڈر خدا سے
رومیو ویڈز ہیر
کھٹی میٹھی لو اسٹوری
اے مشتِ خاک
حال ہی میں ان کی اداکاری ڈرامہ موہرا میں سراہا گیا، اور وہ اس وقت ڈرامہ سیریل معمہ میں آسیہ کے کردار میں اپنی شاندار اداکاری پر تعریفیں سمیٹ رہی ہیں۔نمرہ شاہد نہ صرف اداکاری بلکہ اپنی قدرتی خوبصورتی اور پراثر آنکھوں کی وجہ سے بھی خاصی مقبول ہیں۔ حال ہی میں انہوں نے نادیہ خان کے مارننگ شو میں شرکت کی، جہاں ان سے بالی ووڈ اداکارہ کاجول سے مشابہت کے حوالے سے سوال کیا گیا۔
نمرہ کا کہنا تھا کہ ڈرامہ معمہ کے نشر ہونے کے بعد بہت سے لوگ انہیں کاجول سے مشابہ قرار دے رہے ہیں، خاص طور پر آنکھوں کی وجہ سے۔ انہوں نے کہا کہ وہ خود نہیں جانتیں کہ یہ تعریف ہے یا نہیں، لیکن ایک اداکارہ کے لیے پراثر آنکھیں ہونا ایک مثبت بات ہے۔اس موازنے کو نمرہ نے خوش دلی سے قبول کیا اور مداحوں کی محبت اور تعریف کا شکریہ ادا کیا۔
