اجلاس میں سندھ اور پنجاب میں نہروں و دریاؤں کے قریب تجاوزات کی تفصیلات پیش کی گئیں:
خیبر پختونخوا: 153 تجاوزات رپورٹ ہوئیں، جن میں سے 87 ختم کر دی گئیں۔
پنجاب: دریاؤں کے پاس 153 تجاوزات موجود ہیں۔
سندھ: 26 مقامات پر تجاوزات کی نشاندہی ہوئی، جن میں سے 11 کا خاتمہ کیا جا چکا ہے۔
بلوچستان: تجاوزات کی تفصیلات پیش نہیں کی جا سکیں۔
اجلاس کے دوران سوالات اور تحفظات
چیئرمین کمیٹی نے عدالتوں میں زیرِ التوا مقدمات اور تجاوزات کی نشاندہی کے حوالے سے استفسار کیا۔ انہوں نے سپارکو کی مدد سے تجاوزات کی تفصیلات فراہم کرنے کی ہدایت دی تھی۔رکن کمیٹی فیصل سلیم نے خیبر پختونخوا کی رپورٹ کو ناکافی قرار دیتے ہوئے کہا کہ سوات جیسے علاقوں میں سیلاب کے بعد ہوٹل بہہ جانے سے تجاوزات کا انکشاف ہوتا ہے۔
حکام کی وضاحت
حکام نے بتایا کہ تجاوزات کی معلومات سیٹلائٹ کے ذریعے حاصل کی گئی ہیں اور ان پر صوبائی حکومتوں سے جواب لیا جا رہا ہے۔
کمیٹی کا اجلاس مؤخر
کمیٹی نے پیش کردہ معلومات کو ناکافی قرار دیتے ہوئے اجلاس مؤخر کر دیا اور ہدایت دی کہ آئندہ اجلاس میں مزید جامع تفصیلات فراہم کی جائیں۔
