نامور پاکستانی اداکارہ ہانیہ عامر کے حالیہ کمنٹ نے ایک بار پھر ان کی شادی کی افواہوں کو زور دے دیا ہے۔
سوشل میڈیا پر متحرک رہنے والی ہانیہ عامر اکثر مداحوں سے براہِ راست بات چیت کرتی ہیں اور اپنی رائے کھل کر پیش کرنے کی وجہ سے تنازعات میں بھی رہتی ہیں۔ 28 سالہ اداکارہ شادیاں اور تعلقات کے موضوعات پر اکثر مداحوں کے سوالات کا جواب دیتی ہیں، اور اسی سلسلے میں ان کی شادی بھی زیرِ بحث رہی ہے۔پاکستانی گلوکار عاصم اظہر کی گزشتہ منگنی میرب علی کے ساتھ ختم ہونے کے بعد سے ہانیہ اور عاصم کے دوبارہ ایک ہونے کی افواہیں گردش کر رہی ہیں۔ اگرچہ دونوں نے تصدیق نہیں کی، تاہم ہانیہ کی عاصم کے کنسرٹس میں موجودگی، انسٹاگرام پر ان کے گانوں کا استعمال، اور خاندانی تقریبات میں شرکت نے ان افواہوں کو دوبارہ زندہ کر دیا ہے۔
حال ہی میں ہانیہ عامر نے عاصم کے گھر ہونے والی قوالی نائٹ میں شرکت کی، جس کے بعد شادی کی چہ مگوئیاں مزید تیز ہو گئی ہیں۔ سوشل میڈیا پر یہ بھی دعویٰ کیا جا رہا ہے کہ ہانیہ اور عاصم رمضان میں شادی کر سکتے ہیں۔ ایک مداح نے براہِ راست سوال کیا کہ نکاح سحری کے بعد ہوگا یا افطار کے بعد، جس پر ہانیہ نے مزاحیہ انداز میں جواب دیا، جس نے مداحوں میں دلچسپی اور تذبذب دونوں بڑھا دیے ہیں۔
