پاکستان کوپانی کے شدید بحران کا سامنا ہے، ذخائر میں کمی جاری ہے:ایشیائی ترقیاتی بینک

واٹر سیکیورٹی کے بغیر معاشی ترقی ممکن نہیں ہے،  پاکستان میں پالیسیاں مضبوط مگرعملدرآمد کمزور اور سست ہے: رپورٹ
اسلام آباد (آئی این پی)ایشیائی ترقیاتی بینک نے ایشین واٹر ڈیویلپمنٹ آئوٹ لک رپورٹ 2025 جاری کر دی کر دی ہے جس میں کہا گیاہے کہ پاکستان کوپانی کے شدید بحران کا سامنا ہے، ذخائر میں تیزی سے کمی جاری ہے،ایشیائی ترقیاتی بینک کی رپورٹ کے انکشاف ہواہے کہ پاکستان کی 80 فیصد سے زیادہ آبادی پینے کے صاف پانی سے محروم  ہے، پاکستان میں فی کس پانی دستیابی 3500 سے کم ہوکر1100 مکعب میٹر رہ گئی،   زیر زمین پانی کے بے دریغ استعمال سے زہریلا آرسینک پھیل رہا ہے،  ماحولیاتی تبدیلی، آبادی، ناقص مینجمنٹ سیپانی کا بحران بڑھ رہا ہے،  زرعی شعبہ سب سے زیادہ پانی ضائع کر رہا ہے۔رپورٹ کے مطابق واٹر سیکیورٹی کے بغیر معاشی ترقی ممکن نہیں ہے،  پاکستان میں پالیسیاں مضبوط مگرعملدرآمد کمزور اور سست ہے