انگلینڈ کرکٹ ٹیم نے ٹیسٹ کرکٹ میں مجموعی طور پر 5 لاکھ رنز مکمل کر کے ایک نیا ریکارڈ قائم کیا ہے۔
یہ کارنامہ انجام دینے والی وہ دنیا کی پہلی ٹیم بن گئی ہے۔ انگلینڈ کو یہ سنگ میل عبور کرنے کے لیے 147 سال اور 1,082 میچز لگے۔یہ ریکارڈ اس وقت قائم ہوا جب ہیری بروک نے نیوزی لینڈ کے خلاف دوسرے ٹیسٹ کی دوسری اننگز میں 51 ویں اوور میں کیوی بولر ولیمز کے خلاف دو رنز بنائے۔
انگلینڈ کی کرکٹ تاریخ میں اہم ریکارڈز
انگلینڈ کرکٹ ٹیم نے ٹیسٹ کرکٹ میں سب سے زیادہ ٹیسٹ میچز (1,082) کھیلے ہیں اور سب سے زیادہ سنچریاں (929) بنانے کا ریکارڈ بھی انگلینڈ کے پاس ہے۔
آسٹریلیا کا اسکور
اس ریکارڈ کے ساتھ، آسٹریلیا ٹیسٹ کرکٹ میں مجموعی طور پر 4 لاکھ 28 ہزار سے زائد رنز کے ساتھ دوسرے نمبر پر ہے۔ آسٹریلیا نے 1877 سے اب تک 868 ٹیسٹ میچز کھیلے ہیں۔
یہ سنگ میل انگلینڈ کرکٹ کی تاریخ میں ایک اہم پیش رفت ہے اور عالمی کرکٹ میں ان کی مسلسل کامیابیوں کی عکاسی کرتا ہے۔
