اسلام آباد: پاکستان نے واضح کیا ہے کہ ملک میں امن و استحکام برقرار رکھنے کے لیے غیر قانونی افغان مہاجرین کی واپسی ناگزیر ہے۔
گزشتہ پانچ دہائیوں میں انسانی ہمدردی کی بنیاد پر لاکھوں افغان پناہ گزینوں کی میزبانی کے باوجود، دوحہ معاہدے اور افغانستان سے غیر ملکی افواج کے انخلا کے بعد صورتِ حال بدل گئی ہے اور اب وہاں قیامِ امن کی نئی حقیقت کے پیشِ نظر پاکستان میں غیر قانونی رہائش کے جواز محدود ہو چکے ہیں۔ذرائع نے کہا ہے کہ دستیاب شواہد سے پتہ چلتا ہے کہ افغان پناہ گزینوں کے بعض عناصر پاکستان میں دہشت گردی اور دیگر جرائم میں ملوث رہے ہیں، لہٰذا غیر قانونی رہائش کے خاتمے سے متعلق پالیسی اقدامات ضروری قرار دیے گئے ہیں۔ حکومت نے غیر قانونی افغان باشندوں کی واپسی کے لیے انتظامی سہولیات فراہم کیں، اور اب تک 1,447,709 (تقریباً 14 لاکھ 47 ہزار) غیر قانونی اہلِ وطن خود رضاکارانہ طور پر پاکستان چھوڑ چکے ہیں۔
ستمبر 2023 سے جاری واپسی کے عمل کی مدت کے لیے 31 اگست 2025 کو ڈیڈ لائن مقرر کی گئی تھی۔ اس کے باوجود ملک میں تخمینی طور پر تقریباً 40 لاکھ غیر قانونی رہائشی اور افغان سٹیزن کارڈ ہولڈر اب بھی مقیم ہیں۔ حکومت نے کہا ہے کہ غیر قانونی طور پر مقیم افراد اور افغان سٹیزن کارڈ ہولڈرز کے خلاف قانونی کارروائی جاری رکھی جائے گی، کیونکہ دیگر خودمختار ممالک کی طرح پاکستان کو بھی اپنے قومی مفادات، داخلی سلامتی اور استحکام کے تحفظ کا حق حاصل ہے۔حکومتی بیان میں یہ بھی واضح کیا گیا ہے کہ واپسی کے عمل کو منظم انداز میں آگے بڑھایا جا رہا ہے تاکہ ریاستی ادارے، انسانی ہمدردی اور سکیورٹی کے تقاضوں کے بیچ توازن برقرار رکھا جا سکے۔
