ویب ڈیسک:تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 164 رنز کا ہدف دیا۔ میچ ایڈیلیڈ میں کھیلا گیا، جہاں پاکستانی کپتان محمد رضوان نے ٹاس جیت کر فیلڈنگ کا فیصلہ کیا۔
آسٹریلیا کی اننگز
آسٹریلیا کی جانب سے جیک فریسر مک گرج اور میتھیو شارٹ نے اننگز کا آغاز کیا، لیکن پاکستانی فاسٹ بولر شاہین شاہ آفریدی نے آغاز میں ہی دونوں کھلاڑیوں کو پویلین واپس بھیج دیا۔ جیک فریسر 13 رنز بنا کر کیچ آؤٹ ہوئے جبکہ میتھیو شارٹ کو شاہین نے ایل بی ڈبلیو کیا۔
جوش انگلس 18 رنز بنا کر حارث رؤف کا شکار بنے۔ مارنس لبوشین کو بھی حارث رؤف نے آؤٹ کیا۔ محمد حسنین نے سیٹ بیٹر اسٹیو اسمتھ کو 35 رنز پر وکٹوں کے پیچھے کیچ آؤٹ کرایا۔ ایرون ہارڈی اور گلین میکسویل کو بھی حارث رؤف نے اپنی شاندار بولنگ سے پویلین واپس بھیجا۔
آخری وکٹوں میں مچل اسٹارک کو نسیم شاہ نے بولڈ کیا، جبکہ آسٹریلوی کپتان پیٹ کمنز حارث رؤف کے پانچویں شکار بنے۔ شاہین شاہ آفریدی نے ایک اور وکٹ لے کر آسٹریلیا کی اننگز کا اختتام 163 رنز پر کیا۔
پاکستانی ٹیم میں تبدیلیاں
ٹاس کے بعد پاکستانی کپتان محمد رضوان نے بتایا کہ ٹیم میں کوئی تبدیلی نہیں کی گئی اور وہی کھلاڑی شامل ہیں جو پہلے میچ میں شامل تھے۔ آسٹریلوی کپتان پیٹ کمنز نے بھی اپنی ٹیم میں کوئی تبدیلی نہیں کی۔
پہلے میچ کا نتیجہ
یاد رہے کہ سیریز کے پہلے ون ڈے میچ میں آسٹریلیا نے پاکستان کو دلچسپ مقابلے کے بعد دو وکٹوں سے شکست دی تھی۔پاکستان کو اس میچ میں جیت کے لیے 164 رنز درکار ہیں، اور سیریز میں واپسی کے لیے یہ میچ اہم ہوگا۔
