پرتگالی اسٹار کرسٹیانو رونالڈو نے فٹبال کی تاریخ میں ایک نیا ریکارڈ قائم کیا ہے۔ انہوں نے تین مختلف بڑی قومی لیگوں میں 100 یا اس سے زیادہ گول کرنے والے دنیا کے پہلے فٹبالر بننے کا اعزاز حاصل کیا ہے۔
رونالڈو نے یہ اہم سنگ میل النصر کی الشباب کے خلاف 4-2 کی کامیابی کے دوران عبور کیا۔ میچ کے 75ویں منٹ میں، سادیو مانے کے پاس سے گیند لے کر انہوں نے گیند کو جال میں پہنچایا، جو سعودی پرو لیگ کے 105 میچز میں ان کا 100واں گول تھا۔ اس سے قبل، رونالڈو نے مانچسٹر یونائیٹڈ کے لیے پریمیئر لیگ میں 103 گول، ریال میڈرڈ کی جانب سے لالیگا میں 311 گول، اور اٹلی کی سیری اے میں 81 گول کیے ہیں۔ وہ چار مختلف لیگز میں گولڈن بوٹ جیتنے والے پہلے کھلاڑی بھی ہیں۔ واضح رہے کہ النصر اس وقت سعودی پرو لیگ میں سرفہرست ہے، اور ٹیم کو امید ہے کہ رونالڈو اس سیزن میں لیگ ٹائٹل اور اے ایف سی چیمپئنز لیگ کا ٹائٹل جیتنے میں اہم کردار ادا کریں گے۔
