وزیراعلی بلوچستان کا لیڈی ڈاکٹر کو تیزاب حملے سے بچاتے جھلسنے والے ہسپتال ملازم کو فون، بہادری کو سراہا

کوئٹہ(آئی این پی )وزیراعلی بلوچستان سرفراز بگٹی نے لیڈی ڈاکٹر کو تیزاب حملے سے بچاتے ہوئے جھلسنے والے سنڈیمن اسپتال کے ملازم عبدالرزاق ترکئی کو فون کر کے ان کی بہادری پر سراہا۔جاری بیان کے مطابق میر سرفراز بگٹی نے تیزاب سے جھلسنے والے سنڈیمن اسپتال کے ملازم عبدالرزاق ترکئی سے فون پربات چیت کی، دوران گفتگو عبدالرزاق نے وزیراعلی بلوچستان کو پورا واقعہ سنایا۔وزیراعلی نے عبدالرزاق ترکئی کو جرات و بہادری کا مظاہرہ کرنے پر شاباش دی اور کہا کہ آپ کی بہادری اور جذبے پر فخر ہے، علاج کے تمام اخراجات حکومت بلوچستان برداشت کریگی۔واضح رہے عبدالرزاق ترکئی لیڈی ڈاکٹر ماہنور کو بچاتے ہوئے جھلس گئے تھے۔