مسجد اقصی ہماری ریڈلائن، ہر قیمت پردفاع کریں گے:حماس

 جون میں اسرائیلی فورسز اور آبادکاروں نے مسجد اقصی پر 25 بار دھاوا بولا:فلسطینی وزارتِ 
 غزہ(آئی این پی )فلسطینی مزاحمتی تحریک حماس نے مسجد اقصی کو ریڈ لائن قرار دیتے ہوئے خبردار کیا ہے کہ اسرائیلی حملوں اور آبادکاروں کی یلغار کے خلاف ہر قیمت پر مقدس مقام کا دفاع کیا جائے گا۔غیر ملکی خبررساں ادارے کے مطابق حماس کے القدس امور کے سربراہ ہارون ناصرالدین نے اپنے بیان میں کہا ہے کہ مسجد اقصی فلسطینی قوم کے لیے نہ صرف ایک مذہبی مقام ہے بلکہ قومی شناخت کی علامت بھی ہے۔دریں اثنا، فلسطینی وزارت اوقاف و مذہبی امور نے اطلاع دی ہے کہ جون کے مہینے میں اسرائیلی فورسز اور آبادکاروں کی جانب سے مسجد اقصی پر 25 بار دھاوے بولے گئے، جن میں رسومات کی ادائیگی، نمازیوں کی آمد پر پابندیاں، اور مسجد کی 11 بار بندش شامل ہے۔