لندن کے علاقے وولچ میں ایک خوفناک واقعہ پیش آیا، جہاں 14 سالہ لڑکے کو ایک ڈبل ڈیکر بس میں سوار ہونے کے دوران چاقو مار کر قتل کر دیا گیا۔
یہ واردات دن دیہاڑے اور عوامی سطح پر ہوئی، جس میں ملزم نے لڑکے کو مسافروں کے سامنے چاقو سے وار کر کے اس کی جان لے لی۔پولیس کے مطابق ملزم باآسانی موقع سے فرار ہو گیا اور اس کی تلاش جاری ہے۔ بس میں موجود دیگر مسافروں نے فوراً مدد کے لیے کارروائی کی، جبکہ طبی عملہ بھی موقع پر پہنچا لیکن وہ لڑکے کو بچانے میں ناکام رہا۔لندن میں اس طرح کے چاقو سے حملوں کا بڑھتا ہوا رجحان ایک سنگین مسئلہ بن چکا ہے۔ 2023ء اور 2024ء کے دوران شہر بھر میں 15 ہزار سے زائد چاقو حملے رپورٹ ہو چکے ہیں۔
ان واقعات کی شدت کو دیکھتے ہوئے، لندن کے میئر صادق خان نے شہریوں کی حفاظت کے لیے پولیس کا گشت بڑھانے اور مزید اقدامات کرنے کا عہد کیا ہے تاکہ اس قسم کے جرائم کی روک تھام کی جا سکے۔یہ واقعہ لندن کے عوامی تحفظ کے حوالے سے ایک سنگین سوال اٹھاتا ہے اور شہر میں بڑھتی ہوئی لاقانونیت کی علامات کو ظاہر کرتا ہے، جس پر فوری کارروائی کی ضرورت ہے۔
