فیصل آباد میں ٹک ٹاک کے جنون نے ایک اور قیمتی جان لے لی۔ کینال روڈ پر 13 سالہ لڑکے نے ویڈیو بناتے ہوئے گاڑی چلاتے ہوئے 8 سالہ یوسف علی کو کچل دیا۔
زخمی بچے کو تشویشناک حالت میں الائیڈ اسپتال منتقل کیا گیا، جہاں دو دن زیر علاج رہنے کے بعد وہ دم توڑ گیا۔
اہلِ محلہ کی شکایات نظرانداز
علاقہ مکینوں کے مطابق کم عمر ڈرائیور کی خطرناک ڈرائیونگ کی شکایات اس کے والدین کو کئی بار کی گئیں، لیکن کوئی کارروائی نہیں کی گئی۔
پولیس کارروائی
حادثے کے بعد پولیس نے مقدمہ درج کر کے کم عمر ڈرائیور اور اس کے والد کو گرفتار کر لیا۔ مزید تفتیش جاری ہے۔
