شیخوپورہ: حالات سے دلبرداشتہ ماں نے 2 بچوں کوموت کے گھاٹ اتار دیا ،خود بھی زہر کھا لیا

 32 سالہ ام حبیبہ نے گھریلو حالات سے تنگ آ کر تین سالہ محمد اورپانچ سالہ ثمر کو زہر دے کر خود بھی کھا لیا، دونوں کم سن بچے موقع پردم توڑ گئے، ماں کی حالت تشویشناک ناک    
شیخوپورہ(آئی این پی)  شیخوپورہ میں گھریلو حالات سے تنگ آ کر ماں نے دوکم سن بچوں کو زہر کھلا کر ابدی نیند سلا دیا اور خود بھی زہر کھا لیا جسے تشویشناک حالت میں ہسپتال منتقل کر دیا گیا ۔تفصیل کے مطابق نشیمن پارک کی رہائشی 32 سالہ ام حبیبہ نے گھریلو حالات سے تنگ آ کر اپنے دو کم سن بیٹوں 3 سالہ محمد اور 5 سالہ ثمر کو زہر دے کر خود بھی کھا لیا جس سے دونوں کم سن بچے موقع پر جاں بحق ہو گئے جبکہ ماں کی حالت تشویشناک ناک ہو گئی جس کی اطلاع ملنے پر ریسکیو ٹیم نے موقع پر پہنچ کر 32 سالہ ام حبیبہ کو فسٹ ایڈ دینے کے بعد ہسپتال منتقل کر دیا جبکہ جاں بحق ہونے والے دونوں کم سن بچوں کی نعشوں کو پولیس کے حوالے کر دیا ۔