مذاکرات جاری، جنگ جلد ختم ‘ آبنائے ہرمز کھل جائے گی: ٹرمپ

میرے  خیال میں ایران طویل عرصے تک  جنگ کو جاری رکھنے کی پوزیشن میں نہیں :امریکی صدر
واشنگٹن(آئی این پی ) امریکی صدر ڈونلڈ ٹرمپ نے امید ظاہر کی ہے  ایران کے ساتھ جاری کشیدگی جلد ختم ہو جائے گی اور آبنائے ہرمز بھی دوبارہ مکمل طور پر بحری آمدورفت کے لئے کھول دی جائے گی۔غیرملکی میڈیا کے مطابق صحافیوں سے گفتگو کرتے ہوئے صدر ٹرمپ نے کہا  ایران کے ساتھ مختلف سطحوں پر بات چیت جاری ہے اور انہیں یقین ہے  موجودہ جنگ زیادہ عرصہ جاری نہیں رہے گی۔ انہوں نے کہا  ان کے خیال میں ایران طویل عرصے تک اس جنگ کو جاری رکھنے کی پوزیشن میں نہیں ہے، اس لیے جلد کسی نہ کسی مثبت پیش رفت کا امکان موجود ہے۔