کراچی کے علاقے کینال روڈ پر شاہکام چوک کے قریب تیز رفتار کار کی ٹکر سے دو افراد جاں بحق ہوگئے، جس کے بعد پولیس نے کار ڈرائیور کے خلاف مقدمہ درج کیا ہے۔
حادثہ میں ہلاک ہونے والوں میں 24 سالہ طبیب اور ایک پھل فروش شامل ہیں۔پولیس کے مطابق، واقعہ گزشتہ رات پیش آیا جب کار ڈرائیور محمد احمد یار نے تیز رفتاری اور لاپرواہی سے گاڑی چلائی، جس کے نتیجے میں یہ المناک حادثہ پیش آیا۔ ایف آئی آر کے مطابق، مقدمہ شہریوں کو مارنے، تیز رفتاری، اور لاپرواہی سے گاڑی چلانے کے الزامات کے تحت درج کیا گیا ہے۔مقدمہ متاثرہ کے چچا، عرفان کی مدعیت میں درج کیا گیا، جنہوں نے بتایا کہ حادثے کے دوران 24 سالہ طبیب اور ایک شہری، اقبال، موقع پر دم توڑ گئے۔ اس کے علاوہ، غلام محی الدین اور شاہد نامی ریڑھی بان زخمی ہوئے ہیں، جنہیں طبی امداد کے لیے جناح ہسپتال منتقل کیا گیا ہے۔پولیس کے مطابق، سندر پولیس نے کار ڈرائیور کو رات گئے موقع سے گرفتار کر لیا تھا، اور زخمیوں کی حالت تشویشناک ہے۔ پولیس نے مزید تفتیش جاری رکھی ہوئی ہے تاکہ واقعے کی مزید تفصیلات معلوم کی جا سکیں۔
