وزیرِ اعظم محمد شہباز شریف آج گلگت بلتستان کے ایک روزہ دورے پر روانہ ہوں گے۔
اس دورے کا مقصد علاقائی ترقیاتی منصوبوں کا جائزہ لینا، انتظامی امور پر تبادلہ خیال کرنا، اور عوامی مسائل کے حل کے لیے اقدامات کا آغاز کرنا ہے۔پرائم منسٹر آفس میڈیا ونگ کے مطابق، دورانِ دورہ، وزیرِ اعظم گورنر محمد سید مہدی شاہ اور وزیرِ اعلیٰ جسٹس (ر) یار محمد سے ملاقاتیں کریں گے۔ ان ملاقاتوں میں علاقائی امور، ترقیاتی پروگرامز، اور گورننس کے مسائل پر تفصیلی گفتگو کی جائے گی۔اس دورے میں، وفاقی وزراء احسن اقبال، سردار اویس احمد خان لغاری، عطاء اللہ تارڑ، انجینئر امیر مقام، عبدالعلیم خان، ڈاکٹر خالد مقبول صدیقی، اور مشیرِ وزیرِ اعظم رانا ثناء اللہ بھی موجود ہوں گے۔ یہ اعلیٰ سطحی وفد مختلف ترقیاتی منصوبوں، جاری ترقیاتی اسکیموں، اور انتظامی امور کا بھی جائزہ لے گا۔
اس کے علاوہ، وفد علاقائی عوام کے مسائل کا بھی جائزہ لے گا اور ان کے حل کے لیے اقدامات تجویز کیے جائیں گے۔ یہ دورہ گلگت بلتستان کی مجموعی صورتحال اور گورننس کو بہتر بنانے کے لیے ایک اہم قدم تصور کیا جا رہا ہے، تاکہ علاقہ کی ترقی اور عوامی فلاح و بہبود کو یقینی بنایا جا سکے۔یاد رہے کہ وفاقی حکومت نے ماضی میں بھی گلگت بلتستان میں ترقیاتی منصوبوں کی تکمیل اور عوامی مسائل کے حل کے لیے متعدد دورے کیے ہیں، جن سے علاقہ کی حالت میں بہتری آئی ہے۔
