کراچی کے قیوم آباد میں 18 ماہ کی بچی کے مبینہ زیادتی اور قتل کے افسوسناک واقعے پر پاکستانی شوبز شخصیات نے غم و غصے کا اظہار کیا ہے۔
فریحہ الطاف، عدنان صدیقی، ثنا بلوچ اور دیگر فنکاروں نے سوشل میڈیا پر اپنے پیغامات میں اس دل دہلا دینے والے واقعے پر افسوس ظاہر کرتے ہوئے بچوں کے تحفظ اور احتیاطی تدابیر پر زور دیا۔
فریحہ الطاف نے والدین سے اپیل کی کہ بچوں پر اعتماد کرنے سے پہلے احتیاط برتیں اور ان کی شکایات کو سنجیدگی سے لیں۔ عدنان صدیقی نے متاثرہ خاندان کے لیے صبر کی دعا کی اور فوری انصاف کا مطالبہ کیا۔
عائشہ عمر نے معاشرے میں اخلاقی بحران پر تشویش کا اظہار کیا، اور ثنا بلوچ نے مجرم کو سخت سزا دینے کا مطالبہ کیا۔
دیگر فنکاروں جیسے ایمن خان، مریم نفیس، احسن خان، اور دیگر نے بھی اس واقعے پر افسوس کا اظہار کرتے ہوئے قانون کے مطابق کارروائی کا مطالبہ کیا۔
ملک بھر میں اس واقعے کے بعد غم و غصہ پایا جا رہا ہے اور عوام اور شوبز شخصیات بچوں کے تحفظ کے لیے سخت اقدامات کا مطالبہ کر رہے ہیں۔
