ویب ڈیسک: عالمی ٹیکنالوجی کمپنی گوگل نے امریکہ کی جامعات میں تعلیم، پیشہ ورانہ تربیت اور مصنوعی ذہانت (AI) سے متعلق تحقیق کے لیے ایک ارب ڈالر کی سرمایہ کاری کا اعلان کیا ہے۔
اس اقدام کا مقصد ملک بھر کے طلبہ کو AI کے میدان میں آگاہی، تحقیق، اور کیریئر کے مواقع فراہم کرنا ہے۔سی ای او سندر پچائی نے اپنی ایک بلاگ پوسٹ میں بتایا کہ اس سرمایہ کاری کے تحت شروع کیے گئے پروگرام ’AI for Education Accelerator‘ کے ذریعے ہر امریکی کالج کے طالبعلم کو مفت مصنوعی ذہانت اور کیریئر ٹریننگ فراہم کی جائے گی۔ اس پروگرام میں 100 سے زائد کالجز اور جامعات حصہ لے رہی ہیں، اور یہ فنڈنگ آئندہ تین برسوں میں فراہم کی جائے گی۔پہنچنے کا مقصد ملک بھر کی جامعات میں طلبہ میں AI کے حوالے سے شعور، تحقیقاتی وظائف، اور کلاؤڈ کمپیوٹنگ کے وسائل کو فروغ دینا ہے۔ سندر پچائی کے مطابق، گوگل اے آئی فار ایجوکیشن ایکسیلیریٹر کے تحت، ہر امریکی کالج طالبعلم کو مفت AI ٹریننگ اور گوگل کی کیریئر سرٹیفکیٹس فراہم کیے جائیں گے۔
اس پروگرام میں شامل جامعات میں یونیورسٹی آف مشی گن، اوہائیو اسٹیٹ یونیورسٹی، یونیورسٹی آف ورجینیا، ٹیکساس، نارتھ کیرولائنا اور پنسلوانیا شامل ہیں۔ اس ایک ارب ڈالر کی سرمایہ کاری میں گوگل کے جدید AI ٹولز جیسے جیمینی چیٹ بوٹ بھی شامل ہیں، جن کی قیمت طلبہ کو بغیر کسی اضافی لاگت کے فراہم کی جائے گی۔اس اقدام کا مقصد امریکہ میں AI کی تعلیم اور تحقیق کو فروغ دینا اور نوجوانوں کو مستقبل کے لیے تیار کرنا ہے۔
