ایران نے تصدیق کی ہے کہ خرم آباد ایئر پورٹ کو امریکی اور اسرائیلی فضائی حملے میں نشانہ بنایا گیا، تاہم حملے میں کسی قسم کا جانی نقصان نہیں ہوا۔
ایرانی سرکاری میڈیا کے مطابق مغربی ایران کے شہر خرم آباد میں واقع شہید اشرفی اصفہانی ایئر پورٹ کو آج نشانہ بنایا گیا، لیکن کوئی انسانی جانیں ضائع نہیں ہوئیں۔اسی دوران، امریکی صدر کی ایرانی شہری انفراسٹرکچر کو نقصان پہنچانے کی دھمکی کے بعد اسرائیل نے ایرانی شہریوں کو ٹرین سے سفر کرنے سے خبردار کیا ہے۔ اسرائیلی فوج نے دعویٰ کیا کہ انہوں نے ایران میں ایک اور پیٹرو کیمیکل کمپلیکس کو نشانہ بنایا ہے۔قبل ازیں، ایرانی سرکاری میڈیا نے رپورٹ کیا تھا کہ امریکی اور اسرائیلی حملوں کے نتیجے میں سیلسیلہ اور ڈیلفان کاؤنٹیوں کے دیہی علاقوں میں مواصلاتی نظام کو نقصان پہنچا، جس کے سبب ٹیلی کمیونیکیشن سروسز متاثر ہوئی ہیں۔یہ حملے ایران اور اسرائیل کے درمیان کشیدگی میں اضافے اور علاقے میں سلامتی کے لیے بڑھتی ہوئی خطرات کی عکاسی کرتے ہیں۔
