بیجنگ اوپن کے سیمی فائنل میں روسی ٹینس اسٹار ڈینیئل میدویدیف کو نوواک جوکووچ کے خلاف میچ کے دوران غصے میں گیند تماشائیوں کی جانب مارنے پر نااہل قرار دے دیا گیا۔
یہ واقعہ اس وقت پیش آیا جب جوکووچ 5-7 اور 3-5 کی برتری کے ساتھ سروس کر رہے تھے۔ میدویدیف نے غصے میں گیند اسٹینڈز کی جانب ماری، جو اگلی صف میں موجود ایک تماشائی کی بائیں آنکھ پر جا لگی۔ زخمی تماشائی کو آنکھ پر ہاتھ رکھے میدان سے باہر لے جایا گیا۔یہ واقعہ 2020 کے یو ایس اوپن کی یاد بھی دلاتا ہے، جب نوواک جوکووچ کو میچ کے دوران لائن جج کو گیند لگنے کے بعد ٹورنامنٹ سے باہر کر دیا گیا تھا۔اس فتح کے بعد نوواک جوکووچ نے بیجنگ اوپن میں اپنا ناقابل شکست ریکارڈ برقرار رکھا۔ فائنل میں ان کا مقابلہ آسٹریلوی کھلاڑی ایلکس ڈی منور سے ہوگا، جنہوں نے ہبرٹ ہورکاچ کے انجری کے باعث میچ ادھورا چھوڑنے کے بعد فائنل میں جگہ بنائی۔
