امریکی صدر ڈونلڈ ٹرمپ نے کہا ہے کہ امریکی صارفین کی جانب سے پٹرول کی بلند قیمتوں کی ادائیگی دنیا اور امریکا کو محفوظ رکھنے کے لیے ایک نسبتاً معمولی قیمت ہے۔
نیبراسکا کے شہر گرینڈ آئی لینڈ میں انتخابی ریلی سے خطاب کرتے ہوئے ٹرمپ نے کہا کہ پٹرول کی قیمتیں جلد کم ہو کر 1.85 ڈالر فی گیلن سے بھی نیچے آ سکتی ہیں۔ ان کے مطابق یہ کمی 3 نومبر کو ہونے والے وسط مدتی انتخابات سے پہلے یا اس کے فوراً بعد ممکن ہے۔ٹرمپ نے کہا کہ موجودہ پٹرول کی قیمتیں سابق صدر جو بائیڈن کے دور کے مقابلے میں کم ہیں اور ایران کے ساتھ جنگ ختم ہونے کے بعد ایندھن کی قیمتوں میں مزید کمی متوقع ہے۔امریکی صدر نے مزید کہا کہ امریکا دنیا کو ممکنہ طور پر ایک بڑے سانحے سے بچا رہا ہے۔ انہوں نے ایک بار پھر واضح کیا کہ امریکا ایران کو جوہری ہتھیار حاصل کرنے کی اجازت نہیں دے گا۔
