شمالی وزیرستان کی تحصیل غلام خان میں ایک افسوسناک حادثہ پیش آیا، جس میں تیز رفتاری سے جا رہی ایک مسافر وین الٹ گئی۔
اس واقعے کے نتیجے میں 14 افراد زخمی ہوگئے۔ ذرائع کے مطابق، یہ مسافر وین ایک شادی کی تقریب میں شامل ہونے کے لیے جارہی تھی کہ راستے میں اچانک حادثہ پیش آیا۔پولیس کے مطابق، حادثے کی اطلاع ملتے ہی ریسکیو ٹیمیں فوری طور پر موقع پر پہنچیں اور زخمیوں کو بحفاظت قریبی اسپتال منتقل کیا۔ زخمیوں کی حالت کے بارے میں تفصیلات نہیں دی گئیں، لیکن انہیں طبی امداد فراہم کی جا رہی ہے۔
پولیس کا کہنا ہے کہ حادثے کی ممکنہ وجوہات کا تعین کرنے کے لیے تحقیقات شروع کر دی گئی ہیں، اور مزید تفصیلات کا انتظار ہے۔ اس واقعہ نے مقامی لوگوں میں تشویش کی لہر دوڑا دی ہے، اور وہ حادثے کے سبب جان و مال کے نقصان پر افسوس کا اظہار کر رہے ہیں۔
