وزیرِ دفاع خواجہ آصف نے کہا ہے کہ “معرکۂ حق” کی مبینہ کامیابی نے بھارت کو پاکستان کی دفاعی صلاحیت اور قومی اتحاد کا واضح پیغام دیا ہے۔
اپنے بیان میں انہوں نے کہا کہ “معرکۂ حق” صرف ایک یادگار واقعہ نہیں بلکہ ایک ایسی واضح لکیر ہے جو مستقبل میں کسی بھی ممکنہ کشیدگی کے تناظر میں ایک فیصلہ کن علامت کے طور پر دیکھی جائے گی۔ ان کے مطابق آئندہ کسی بھی مہم جوئی کا جواب پہلے سے زیادہ تیز اور سخت ہوگا۔انہوں نے پاکستان کی مسلح افواج کی صلاحیتوں پر اعتماد کا اظہار کرتے ہوئے کہا کہ بری، بحری اور فضائی افواج کی جوابی کارروائی کی صلاحیت مربوط اور مؤثر ہے، اور دشمن کی توقعات سے کہیں زیادہ ہے۔خواجہ آصف نے مزید کہا کہ قوم اپنی افواج کے ساتھ مکمل یکجہتی کے ساتھ کھڑی ہے اور یہ اتحاد “سیسہ پلائی دیوار” کی حیثیت رکھتا ہے۔ ان کے مطابق پاکستانی نوجوانوں کا شعور اور اعتماد ملک کی اصل طاقت ہے اور وہ قومی دفاع کے معاملے میں مکمل آگاہ اور تیار ہیں۔
