مشرقِ وسطیٰ میں جاری کشیدگی کے دوران ایران پر امریکا اور اسرائیل کے حملوں میں اموات کی تعداد میں اضافہ ہو گیا ہے۔
عرب میڈیا کے مطابق ایران میں امریکی اور اسرائیلی حملوں کے نتیجے میں اب تک 1,230 افراد شہید ہو چکے ہیں۔ لبنان پر جاری اسرائیلی حملوں میں بھی 77 افراد ہلاک ہونے کی اطلاعات ہیں۔رپورٹس کے مطابق اسرائیل پر ایران کے حملوں میں 11 افراد ہلاک ہوئے، جن میں 6 امریکی فوجی بھی شامل ہیں۔ادھر متحدہ عرب امارات میں ایرانی حملوں کے نتیجے میں 3 افراد جاں بحق ہوئے، جبکہ بحرین میں ایک میزائل مار گرانے کے بعد صنعتی علاقے میں آگ لگنے سے ایک شخص ہلاک ہوا۔اسی طرح کویت میں ایرانی حملوں کے باعث 2 کویتی فوجیوں سمیت مجموعی طور پر 4 افراد جان سے گئے۔ مزید برآں، عمان کی ایک بندرگاہ پر آئل ٹینکر کو نشانہ بنانے والے پروجیکٹائل حملے میں بھی ایک شخص ہلاک ہوا۔
