پاکستانی اداکارہ ہانیہ عامر نے اپنے نئے ہیئر اسٹائل کی تصویر سوشل میڈیا پر شیئر کی، جس کے بعد ان کا نیا انداز صارفین کی توجہ کا مرکز بن گیا اور مختلف دلچسپ تبصرے سامنے آنے لگے۔
ہانیہ عامر نے نئی سیلفی میں سینٹر پارٹڈ، جبڑے تک لمبے بالوں اور چہرے کے دونوں اطراف لمبی لٹوں پر مشتمل نیا ہیئر اسٹائل اپنایا، جسے متعدد سوشل میڈیا صارفین نے بھارتی اداکار سلمان خان کے 2003ء کی فلم "تیرے نام" میں مشہور کردار رادھے موہن کے ہیئر اسٹائل سے مشابہ قرار دیا۔تصویر سامنے آنے کے بعد سوشل میڈیا پر مداحوں نے ہانیہ عامر کے نئے لک پر مختلف آراء کا اظہار کیا۔ بعض صارفین نے اس مماثلت کو دلچسپ قرار دیا، جبکہ دیگر نے اداکارہ کے نئے انداز کو منفرد اور فیشن ایبل قرار دیتے ہوئے پسند کیا۔واضح رہے کہ فلم "تیرے نام" میں سلمان خان کا سینٹر پارٹڈ ہیئر اسٹائل اس دور کے مقبول ترین اندازوں میں شمار ہوتا تھا، جسے برصغیر بھر میں نوجوانوں نے بڑے پیمانے پر اپنایا تھا۔ہانیہ عامر پاکستان کی معروف ٹی وی اور فلمی اداکاراؤں میں شمار ہوتی ہیں اور وہ اپنے ڈراموں کے ساتھ ساتھ سوشل میڈیا پر بھی خاصی مقبول ہیں، جہاں ان کے انداز اور فیشن کو مداحوں کی جانب سے بھرپور توجہ ملتی رہتی ہے۔
