برطانیہ میں لندن سے مانچسٹر جانے والی ٹرین میں ایک نسل پرستانہ واقعہ پیش آیا، جس کی ویڈیو سوشل میڈیا پر وائرل ہو گئی ہے۔
اس ویڈیو میں ایک خاتون کو مرد مسافر کو نسل پرستی کا نشانہ بناتے ہوئے دیکھا گیا۔ خاتون نے مرد ڈینٹسٹ کو کہا کہ "مراکش یا تیونس واپس چلے جاؤ"۔یہ واقعہ اُس وقت پیش آیا جب خاتون نے مرد مسافر سے کہا کہ وہ اپنے پیر ہٹا لے، جس پر مرد مسافر نے اعتراض کیا۔ جب مرد نے خاتون سے پوچھا کہ وہ کیوں ایسا کہہ رہی ہے، تو خاتون نے جواب دیا، "کیا آپ یہیں پیدا ہوئے ہیں؟ ایسا نہیں لگتا۔" مرد نے پھر جواب دیا کہ وہ یہاں پیدا ہوا ہے اور اس طرح کی بے عزتی برداشت نہیں کرے گا۔
خاتون کا جواب تھا کہ وہ اس معاملے میں بات نہیں کرنا چاہتی اور اس نے مرد سے بات کرنے سے انکار کیا۔یہ واقعہ برٹش ٹرانسپورٹ پولیس کو رپورٹ کیا گیا، اور پولیس نے اس واقعے کی تفتیش شروع کر دی ہے۔ ویڈیو سوشل میڈیا پر پھیلنے کے بعد خاتون کو شدید تنقید کا نشانہ بنایا گیا ہے، اور اسے نسل پرستی کے طرز عمل پر سخت ردعمل کا سامنا ہے۔
