جلسہ کی اجازت نہ ملنے پر پی ٹی آئی کا پلان بی تیار

مینار پاکستان پر اجازت نہ ملی تو پنجاب کے تمام اضلاع میں احتجاج کیا جائے گا
 لاہور(آئی این پی )  پی ٹی آئی  نے 8 فروری کو مینار پاکستان گراونڈ لاہور کے علاوہ کسی متبادل جگہ جلسہ نہ کرنے کا فیصلہ کرتے ہوئے اجازت نہ ملنے کی صورت میں پلان بی بھی مرتب کرلیا۔ ذرائع  کے مطابق  پی ٹی آئی نے 8 فروری کو مینار پاکستان پر جلسے کی اجازت نہ ملنے کی صورت میں پنجاب کے تمام اضلاع میں احتجاج کرنے کا فیصلہ کیا ہے۔پی ٹی آئی ذرائع کے مطابق اس حوالے سے پارٹی کے تمام ارکانِ اسمبلی اور رہنماں کو اپنے اپنے حلقوں میں احتجاج کرنے کی ہدایت بھی کی جائے گی۔ذرائع کا کہنا ہے کہ اس دوران لاہور کے اہم مقامات جیسے لبرٹی چوک، آزادی چوک اور مال روڈ پراحتجاج کے ساتھ تمام حلقوں میں احتجاجی ریلیاں بھی نکالی جائیں گی۔