ایبٹ آباد: لیڈی گارڈن پارک کے قریب ایک ڈمپر کے خوفناک حادثے میں 8 اسکول بچے کچل گئے، جس کے نتیجے میں 3 بچے جاں بحق اور 5 شدید زخمی ہوئے۔
حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچیں اور جاں بحق بچوں کی لاشیں اور زخمی بچوں کو ڈسٹرکٹ ہیڈکوارٹر (ڈی ایچ کیو) ہسپتال منتقل کیا گیا، جہاں زخمی بچوں کو طبی امداد دی جا رہی ہے۔پولیس کے مطابق حادثے کی وجوہات معلوم کرنے کے لیے تحقیقات شروع کر دی گئی ہیں، اور ڈمپر کے ڈرائیور کو گرفتار کرنے کے لیے چھاپے مارے جا رہے ہیں۔ابتدائی اطلاعات کے مطابق حادثہ سکول کے بچوں کی موجودگی میں پیش آیا، اور واقعے نے علاقے میں خوف و ہراس پھیلا دیا ہے۔یہ بھی بتایا گیا ہے کہ متاثرہ بچوں کے والدین اور مقامی افراد زخمی بچوں کی بحالی اور متاثرین کے لیے ہسپتال پہنچ گئے ہیں۔اس واقعے نے ایبٹ آباد میں ٹریفک اور سڑکوں کی حفاظتی صورتحال پر سوالات کو بھی جنم دیا ہے، اور مقامی انتظامیہ سے فوری اقدامات کا مطالبہ کیا جا رہا ہے۔
